Viðtøkur

Viðtøkur fyri epilepsifelag føroya

§ 1.

Navn felagsins er epilepsifelag føroya, og heimstaður tess er Tórshavn.

§ 2.

Endamál felagsins er:

  1. At virka fyri og stuðla fólki við epilepsi og teirra avvarðandi.
  2. At veita upplýsing um epilepsi.
  3. At arbeiða fyri at betra um umstøðurnar hjá fólki við epilepsi, herundir fremjan av viðgerð.
  4. At stuðla vísindaligari gransking.
  5. At luttaka í norðurlendskum og altjóða samstarvi.
  6. At savna fólk við epilepsi og onnur við omanfyri nevndu áhugamálum.

§ 3.

Limir
Einstaklingar, húski, feløg og stovnar kunnu gerast limir. Húski er foreldur við børnum upp til 16 ár.

§ 4.

Limagjald
Limagjaldið verður ásett á aðalfundinum.

§ 5.

Arbeiðsbólkar
Nevndin kann seta arbeiðsbólkar at arbeiða við málum felagsins.

§ 6.

Nevndin
Felagið verður stýrt av eini 5-mannanevnd við 2 tiltakslimum vald á ársaðalfundinum.

Av teimum 5 nevndarlimunum eigur í minsta lagi eitt umboð at vera foreldur/avvarðandi. Nevndin er viðtøkufør, tá í minsta lagi 3 nevndarlimir/tiltakslimir eru møttir.

Nevndin kann leita sær hjálp hjá serkønum.

Nevndin skipar seg sjálv við formanni, næstformanni, skrivara og kassameistara. Formaður og kassameistari saman tekna felagið.

2 nevndarlimir og ein tiltakslimur fara frá á fyrsta aðalfundi, á næsta aðalfundi hinir 3 nevndarlimirnir og hin tiltakslimurin.

Allar avgerðir verða tiknar við vanligum meiriluta. Stendur á jøvnum er formansins atkvøða avgerandi.

Nevndin eigur at hava 4 nevndarfundir og minst 2 limafundir um árið.

Kassameistari og skrivari skal ikki verða sami persónur.

§ 7.

Almenn tiltøk
Skipað eigur at verða fyri almennum tiltøkum.

§ 8.

Aðalfundurin
Aðalfundurin er hægsti myndugleiki. Aðalfundurin verður hildin í mars/apríl og lýstur í føroyskum blaði minst 14 dagar fyri fundardag og í Útvarp Føroya hægst 1 viku fyri fundardag. Aðalfundurin er viðtøkuførur, um í minsta lagi 9 limir eru møttir.

Eykaaðalfundur verður hildin, tá ið 1/3 av limunum ella ein meiriluti av nevndini ynskja tað.

Um neyðugt kunnu undantøk verða gjørd og eykaaðalfundur verða lýstur við stryttri freist.

Skrá fyri aðalfundin

  1. Val av orðstýrara.
  2. Ársfrágreiðing nevndarinnar.
  3. Framløga av grannskoðaðum roknskapi til góðkenningar.
  4. Val av nevnd og tiltakslimum.
  5. Arbeiðsætlan fyri komandi árið.
  6. Áseting av limagjaldi fyri komandi árið.
  7. Val av bókhaldsvirki. Verður ikki grannskoðað, men bara bókað og sett upp
  8. Ymiskt.

§ 9.

Roknskapur
Roknskaparár felagsins er álmannakkaárið.

§ 10.

Lógarbroytingar
Uppskot til broytingar av viðtøkum skulu verða nevndini í hendi 1 viku, áðrenn aðalfundin.

§ 11

Avtøka av felagnum
Felagið kann bert verða avtikið á aðalfundi, ið er settur við avtøku á skránni, og krevst tað, at minst helvtin av limunum eru á fundi og at minst ¾ av teimum møttu atkvøða fyri.

Verður felagið avtikið, skulu ognir tess verða lagdar í grunn, sum verður stovnaður við tí endamáli at verða teimum í § 2 nevndu at gagni.

Soleiðis samtykt á stovnandi aðalfundi í Tórshavn, tann 6. mai 1989.

Broytingar gjørdar á aðalfundi mai 1997.

Broytingar gjørdar á aðalfundi 14. juni 2006.

Broytingar gjørdar á aðalfundi 18. juni 2014.

Broytingar gjørdar á aðalfundi 14. juni 2016.